Munaıdyń bir barrelge shaqqandaǵy quny 69 dollardan tómen tústi
ASTANA. QazAqparat - Londondaǵy elektrondyq saýdada munaı baǵasynyń tómendeýi baıqaldy. Bir saǵattyń ishinde Brent markili munaıdyń bir barreliniń quny shamamen 2 dollarǵa tómendedi, dep habarlady RBK.
Munaı barreliniń baǵasy 68 dollar 28 tsentke qulaǵan soń túzetýler júrgizilip, nátıjesinde Brent munaıynyń quny 60 tsentke kóterildi. Ári qaraı kórsetkish 68 dollar 70 tsent mańaıynda turaqtady. Bul 2010 jyldyń mamyrynan bergi eń tómengi kórsetkish bolyp esepteledi.
Osyndaı jaǵdaı Nıý-Iorkte de baıqalýda. Onda tehastyq Light Sweet-tiń bir barrelge shaqqandaǵy quny 65 dollardan kemidi.
Bloomberg-ge bergen suhbatynda sıdneılik konsaltıngtik CMC Markets fırmasynyń sarapshysy Maıkl Makkartı boljaǵandaı, OPEK-tiń munaı óndirýdiń búgingi qarqynyn saqtap qalý sheshimi naryqqa áser etýde. Onyń pikirinshe, naryqqa túsetin qysym aldaǵy kúnderi jalǵasatyn bolady.
Ótken beısenbi kúni Venada OPEK sammıti ótti. Onda kartel elderi munaıdy óndirýdiń burynǵy - táýligine shamamen 30 mln barrel deńgeıin saqtap qalýǵa kelisti. Bul sheshimnen keıin Brent munaıynyń baǵasy bir barrel úshin $72 tómendedi. Juma kúni «qara altyn» arzandaı tústi: Londondyq ICE bırjasynda 2015 jyly jetkiziletin Brent markili munaı bir barreli $70-dan tómendep, barreliniń quny $69,81 boldy.
