Munaıdyń baǵasy birshama ósti
ASTANA. 1 maýsym. QazAqparat - Álemdik naryqta munaıdyń baǵasy seısenbi, 31 mamyrda dollardyń álsireýi men eýropalyq aımaq bıliginiń qaryzdyq daǵdaryspen kúres aıasynda Grekııaǵa qarjylyq kómektiń jańa toptamasyn maquldaıdy degen ınvestorlardyń senim bildirý áserinen birshama kóterildi,
dep habarlaıdy Bloomberg agenttigi.
NYMEH (New York Merchantile Exchange) Nıý-Iork bırjasynda Light Sweet Crude Oil markaly amerıkalyq jeńil munaıdyń jeltoqsandyq fıýchersteriniń quny bir barrel úshin 102,7 dollarǵa deıin 2,11 dollarǵa kóterildi.
Brent Crude Oil markasy soltústik teńiz munaı qospasyna ISE shildedegi fıýcherstiń baǵasy (InterContinental Exchange Futures) London bırjasynda saýda qorytyndylary boıynsha bir barrel úshin 116,73 dollarǵa deıin 2,05 dollarǵa ósti.
