Munaıdyń baǵasy barreline 90 dollar deńgeıinde bolady - B. Saǵyntaev
ASTANA. 28 tamyz. QazAqparat - Úkimet eldiń 2013-2017 jyldarǵa arnalǵan áleýmettik-ekonomıkalyq damý boljamyn maquldady.
Atalǵan boljamdy tanystyrǵan QR Ekonomıkalyq damý jáne saýda mınıstri Baqytjan Saǵyntaevtyń atap ótýinshe, qujat statıstıka agenttiginiń 2011 jylǵy jalpy ishki ónim jónindegi eseptik derekterin 260,9 mlrd. teńgege ulǵaıtý jaǵyna qaraı túzetýin, sondaı-aq 2012 jyldyń birinshi jarty jyldyǵyndaǵy ekonomıka salalary damýynyń qorytyndysyn jáne memlekettik organdardyń negizgi ónim túrleri óndirisinen kútiletin kólemi boıynsha, álemdik taýar naryǵyndaǵy aǵymdaǵy ahýal jáne álemdik ekonomıkanyń ósýi men negizgi eksporttaýlarynyń álemdik baǵasy boıynsha halyqaralyq uıymdardyń túzetilgen boljamdaryn esepke ala otyryp ázirlengen.
Boljamdy qalyptastyrý kezinde damýdyń bazalyq stsenarıi negizge alyndy. Bazalyq stsenarıı álemdik ekonomıkanyń ortasha jyldyq ósý qarqynyn 4 paıyz deńgeıinde boljaıdy.
«Boljamnyń konvensýsy negizinde munaıdyń baǵasy barreline 90 dollar deńgeıinde kútilýde. Al metall baǵasy aǵymdaǵy deńgeıden 15 paıyzǵa tómendeıtini boljanýda»,-dedi B. Saǵyntaev.
