Munaıdyń álemdik baǵasy úshinshi toqsanda 12% arzandady
BAKÝ. QazAqparat - Osy jyldyń III toqsanynda álemdik munaı usynysy suranystan asyp, geosaıası faktordyń birshama álsireýine baılanysty munaı baǵasy tómendedi, dep habarlaıdy QazAqparat menshikti tilshisi Turan agenttigine silteme jasap.
Londondaǵy ICE bırjasynyń málimetteri boıynsha, Brent munaıynyń baǵasy ótken toqsanǵa qaraǵanda 12%-ǵa, barreli 98 dollarǵa deıin tómendegen. Osy toqsanda munaı baǵasy da azdap tómendeýi múmkin, al 2022 jyldyń ortasha baǵasy barreline shamamen 98 dollardy quraıdy.
Basylym ótken jyldyń qorytyndysy boıynsha Brent markaly munaıdyń ortasha baǵasy barreline 71 dollardy quraǵanyn atap ótti.
Álemdik munaı naryǵynyń tepe-teńdigi jáne AQSh dollarynyń nyǵaıý tsıkli boljaǵandaı, munaı baǵasynyń tómendeý tendentsııasy osy jyldyń sońyna deıin jáne 2023 jylǵa deıin jalǵasady, bul baǵany barreline 80 dollarǵa deıin arzandatady.
Keshe Londondaǵy ICE Futures bırjasyndaǵy Brent sortynyń jeltoqsandaǵy fıýchersteri 1,24 (1,31%) dollarǵa - barreli 97,09 dollarǵa deıin qymbattady.
Jeltoqsan aıynda Nıý-Iork taýar bırjasynda (NYMEX) saýda-sattyqta WTI fıýchersteriniń baǵasy 1,32 dollarǵa (1,5%) - barreline 89,53 dollarǵa deıin ósti.
Munaı baǵasy dollar baǵamynyń tómendeýine baılanysty ósip otyr.
Foto: PhotoStock10 / Shutterstock
