Munaıdyń álemdik baǵasy tómendedi

ASTANA. QazAqparat -Munaı baǵasy beısenbide geosaıası shıelenistiń báseńdeýine, sondaı-aq Qytaıdaǵy COVID-19 jaǵdaılarynyń ósýine baılanysty tómendedi. Bul álemdegi eń iri munaı ımporttaýshynyń suranysyn azaıtýy múmkin, dep habarlaıdy QazAqparat Reuters agenttigine silteme jasap.

Beısenbi kúni tańerteńgi saýda-sattyqta Grınvıch ýaqyty boıynsha 04:30-daǵy (Astana ýaqyty boıynsha 10:30-da) Brent markaly munaı fıýchersteri barreline 1,04 dollarǵa, ıaǵnı 1,1% - ǵa 91,82 dollarǵa deıin arzandady. West Texas Intermediate (WTI) markaly munaı fıýchersteri barreline 1,17 dollarǵa, ıaǵnı 1,4% - ǵa 84,42 dollarǵa deıin tómendedi. Sonymen qatar keshe Vengrııaǵa «Dostyq» munaı qubyry arqyly Reseı munaıyn jetkizýdi qaıta bastaǵannan keıin Brent markasy,1%-ǵa, al WTI 1,5%- ǵa arzandaǵan edi.

«Shıki munaıdyń baǵasy NATO Reseıdiń Polshaǵa jasaǵan zymyrandyq shabýylyna jaýap bergennen keıin tómendedi. Bul rette Qytaıdyń COVID-19 shekteýleri men álemdik ekonomıkalyq boljamnyń bulyńǵyr bolýyna baılanysty suranysqa qatysty alańdaýshylyq týyndady», - dedi brıtandyq CMC Markets kompanııasynyń sarapshysy Tına Tan.

Aıta keteıik, Qytaıdaǵy koronavırýs juqtyrý jaǵdaılarynyń sany álemniń basqa elderimen salystyrǵanda tómen, biraq Beıjiń aýrýdy boljyrmas úshin COVID-ke qarsy qatań saıasatty ustanady. Beısenbide Qytaıdyń Ulttyq densaýlyq saqtaý komıssııasy kúnine 23 myńnan astam jańa jaǵdaılar tirkelgenin habarlady.