Munaıdyń álemdik baǵasy kóterile bastady
ASTANA. Qańtardyń 19-y. QazAqparat - Qytaıdyń energotasymaldaǵyshtar ımportyn arttyrýy týraly boljamǵa baılanysty dúısenbi kúni álemdik naryqtarda munaıdyń baǵasy qaıta kóterile bastady,
dep habarlaıdy Reıter agenttigi.
London bırjasynda Brent Crude Oil markaly munaıdyń baǵasy 0,16 dollarǵa qymbattap, 77,27 dollar/barrelge deıin jetti.
Al Nıý-Iork bırjasy dúısenbi kúni ulttyq mereke - Martın Lıýter Kıngtiń kúnine baılanysty jabyq boldy. Nıý-Iorkte elektrondyq saýdada Light Sweet Crude Oil markaly munaıdyń baǵasy 0,25 dollarǵa qymbattap, 78,25 dollar/barrelge jetti.
