Munaıdyń álemdik baǵasy qaıta tómendedi
ASTANA. 28 shilde. QazAqparat - Munaıdyń álemdik baǵasy qaıta kóterildi. London bırjasynda baǵa qatty quldyraı qoımaǵanymen, Nıý-Iork bırjasynda qara altyn barreliniń baǵasy 2 dollardan astamǵa arzandady, dep habarlaıdy RBK agenttigi.
Atap aıtqanda, Nıý-Iork bırjasynda Light Sweet munaıynyń baǵasy qyrkúıek aıyndaǵy jetkizilimniń boljamyna qatysty 2,19 dollarǵa arzandap, 97,40 dollar/barreldi qurady. Al Londonda Brent munaıynyń barreli 117,43 dollardy shamalady, bul aldyńǵy kúngi kórsetkishten 85 tsentke arzan.
"NYMEX-tegi baǵanyń qatty quldyraýyna munaı rezerviniń óskeni týraly AQSh Energetıka mınıstrliginiń málimdemesi sebep bolyp otyr", - deıdi sarapshylar. Lıvııadan munaı jetkiziliminiń toqtaýyna baılanysty, AQSh-ta qazir munaı strategııalyq rezervten alynýda. Oǵan qosa, Energetıka mınıstrligi benzınge degen suranystyń azaıǵanyn aıtyp otyr. Qalaı bolǵanda da, bul tań qalarlyq jaıt, sebebi shilde - ádette AQSh turǵyndary jeke kólikterimen demalysqa attanatyn aı.
