Munaıdyń álemdik baǵasy edáýir ósti
ANA. 13 shilde. QazAqparat - Eýropadaǵy qaryz daǵdarysynyń Italııaǵa taraý yqtımaldyǵyna oraı týyndaǵan alańdaýshylyqqa baılanysty, 12 shilde kúngi saýdanyń qorytyndysy boıynsha munaıdyń álemdik baǵasy taǵy ósti, dep habarlaıdy RBK agenttigi.
Nıý-Iork bırjasynda Light Sweet munaıynyń resmı baǵasy 2,28 dollarǵa kóterilip, 97,43 dollar/barreldi qurasa, London bırjasynda Brent munaıynyń baǵasy 0,51 dollarǵa qymbattap, 117,75 dollar/barrelge jetti.
Qara altynnyń baǵasy Italııa ókimeti óz qaryz problemalaryn sheshý úshin ornalastyrǵan qazynashylyq oblıgatsııalarynyń stavkalarymen qatar ósip otyr. Italııanyń memlekettik bereshegi jalpy ishki ónimniń 120 paıyzyn quraıdy. Eýropa elderiniń ishinde budan úlken kórsetkish tek Grekııaniki.
