Munaıdyń álemdik baǵasy aıtarlyqtaı tómendedi
ASTANA. QazAqparat - Seısenbi kúni London men Nıý-Iork shıkizat bırjalarynda ótken saýda-sattyq qorytyndysy boıynsha munaı baǵalary aıtarlyqtaı tómendedi, dep habarlaıdy QazAqparat.
Atap aıtqanda, Londondaǵy ICE Futures bırjasynda jeltoqsanda jetkiziletin Brent markaly munaıdyń fıýchersteri 3,83 dollarǵa tómendep, 76,24 dollardy qurady.
Al Nıý-Iork taýar bırjasynda (NYMEX) qarasha aıynda jetkiziletin WTI markaly munaıdyń fıýchersteri barreline 2,93 dollarǵa arzandap, 66,43 dollar boldy.
