Munaıdyń álemdik baǵasy aıtarlyqtaı arzandady

ASTANA. QazAqparat - Seısenbi kúni London men Nıý-Iork bırjalarynda ótken saýda-sattyq qorytyndysy boıynsha munaı baǵasy aıtarlyqtaı arzandady, dep habarlaıdy QazAqparat.

Atap aıtqanda, Londondaǵy ICE Futures bırjasynda qańtarda jetkiziletin Brent markaly munaıdyń fıýchersteri 4,57 dollarǵa tómendep, 62,44 dollardy qurady. 

Al Nıý-Iork taýar bırjasynda (NYMEX) qańtar aıynda jetkiziletin WTI markaly munaı baǵasy 3,77 dollarǵa arzandap, barreline baǵa 53,43 dollarǵa jetti.