Munaıdyń álemdik baǵasy 80 dollardan túsip ketti
ASTANA. Tamyzdyń 12-si. QazAqparat - Álemdik qor ındeksteriniń quldyraýy munaı baǵasyna da áser etip otyr. Tamyzdyń 11-indegi saýdanyń qorytyndysy boıynsha «qara altynnyń» baǵasy 80 dollardan túsip ketti, dep habarlaıdy RBK agenttigi.
Atap aıtqanda, Nıý-Iork bırjasynda tehastyq Light Sweet munaıynyń baǵasy 2 dollar 23 tsentke arzandap, 78,02 dollar/barrelge baryp toqtady.
Al London bırjasynda soltústikteńizdik Brent munaıynyń baǵasy 1 dollar 96 tsentke tómendep, 77,64 dollar/barreldi shamalady.
AQSh-tyń Federaldyq rezervtik júıesi men Anglııa bankiniń jaısyz makroekonomıkalyq málimdemelerine baılanysty munaıdyń baǵasy budan da tómen quldyraýy ábden múmkin edi, biraq Qurama Shtattyń rezervteriniń tómendeýi men «qara altynǵa» degen basqa da elderdiń artyp otyrǵan suranysy naryqty qutqaryp qalyp otyr.
