Munaıdyń álemdik baǵasy 70 dollarǵa deıin tómendedi

ASTANA. QazAqparat - London jáne Nıý-Iorktiń shıkizat bırjalarynda sársenbi kúngi saýda-sattyqtyń nátıjesi boıynsha munaıdyń baǵasy aıtarlyqtaı tómendedi, dep habarlaıdy «QazAqparat» HAA.

Saýda qorytyndysy boıynsha, Londonnyń ICE Futures bırjasynda qazan aıynda jetkiziletin Brent markaly munaıdyń fıýchersteri barreline 2,05 dollarǵa arzandap, 70,61 dollardy qurady.

Nıý-Iork taýar bırjasynda (NYMEX) WTI markaly jeńil munaıdyń qyrkúıek aıyndaǵy fıýchersteriniń bir barreli 2,03 dollarǵa túsip, 65,01 dollar boldy.