Munaıdyń álemdik baǵasy 17 jyl ishindegi eń tómengi kórsetkishke tústi

LONDON. QazAqparat – Sársenbi kúni munaı baǵasy tómendedi, WTI amerıkalyq munaı markasynyń fıýchersteri 17 jyldaǵy eń tómengi kórsetkishke deıin tústi. Koronavırýs saldarynan engizilgen qatań oqshaýlaný men saparlaýǵa shekteý qoıýǵa baılanysty otynǵa degen suranys nasharlady. Bul týraly QazAqparat Reuters-ke silteme jasap habarlady.

WTI markaly munaı baǵasy 84 tsentke nemese 3,12%-ǵa, ıaǵnı barreli 26,11 dollarǵa deıin tómendedi. Buǵan deıin 2003 jyldyń mamyrynan beri alǵash ret barreli 25,83 dollarǵa túsken bolatyn.

Brent markaly munaı baǵasy 37 tsentke nemese 1,29%-ǵa, barreli 28,36 dollarǵa arzandady. Buǵan deıin bul kórsetkig 2016 jyldyń basynan beri eń tómengi deńgeıge – 28,05 dollarǵa túsken edi.

Goldman Sachs sarapshylary ekinshi toqsanda Brent markaly munaı baǵasy bir barreli 20 dollarǵa deıin túsýi múmkin dep otyr, Bul 2002 jyldyń basyndaǵy eń tómengi kórsetkish.