Munaıdyń baǵasy aldaǵy aptada da 100 dollardan joǵary bolǵaly tur
ASTANA. KAZINFORM- Munaı baǵasy barreline 100 dollardan joǵary deńgeıde saqtalyp, jańa saýda aptasyn joǵary kórsetkishpen bastaýǵa jaqyndady. Sońǵy saýda sessııasynyń qorytyndysy boıynsha Brent markaly munaıynyń baǵasy barreline 104,61 dollardy, WTI markasy 100,05 dollardy qurady, dep habarlaıdy Reuters.
Juma kúni Brent munaıynyń baǵasy 3,02 dollarǵa nemese 2,81%-ǵa, al WTI 2,43 dollarǵa nemese 2,37%-ǵa arzandady. Soǵan qaramastan, apta qorytyndysy boıynsha eki markanyń da baǵasy munaı jetkizilimine qatysty táýekelder men Taıaý Shyǵystaǵy shıelenis aıasynda 8%-dan astam ósti.
Munaı tasymalyndaǵy irkilister men negizgi jetkizý baǵyttaryna qatysty qaýiptiń saqtalýy naryqqa qosymsha qysym kórsetip otyr. Naryq qatysýshylary Ormýz buǵazyndaǵy jaǵdaıdy jáne óńirden shıkizat eksportyndaǵy basqa da táýekelderdi baqylap otyr.
Buǵan deıin Kazinform 12 qyrkúıekte munaı baǵasynyń barreline 100 dollardan joǵary deńgeıde saqtalǵanyn habarlaǵan edi. Sol kezde Brent barreline 104,61 dollardan, WTI 100,05 dollardan saýdalandy.
Sondaı-aq munaı baǵasy alǵash ret 24 shildeden beri barreline 101 dollardan asqany týraly jazdyq.
