Munaıdan keıin Qazaqstan teńgesi de nyǵaıdy
Alparıdiń sarapshysy Anna Bodrovanyń sózine qaraǵanda, dollar/teńge baǵamy turǵysynda ınvestorlar osy draıverdi tıimdi paıdalana aldy.
Jalpy, sáýir aıynda Qazaqstan teńgesi amerıkalyq valıýtamen qatar 5,45 paıyzǵa nyǵaıdy. Munaı kotırovkalarymen ózara baılanystylyq júz paıyz deńgeıde bolmaǵanymen, degenmen de onyń áseri yqpal etýde.
29 sáýirde munaı quny barreline 48 dollarǵa jýyq boldy. Federaldyq rezervtik júıeniń tym beıtarap nesıelik-qarjylyq saıasatynan shıkizattyq naryq álsiz AQSh dollarynyń faktoryna súıenip keldi.
Sonymen birge negizgi faktorlar munaı alpaýyttaryna qarsy oıyn júrgizýdy jalǵastyrdy. Máselen, AQSh munaıynyń qory tarıhı joǵary shekti jańartty. Munymen qosa, bir barrel qunynyń 49-50 dollar deńgeıine jaqyndaýy amerıkalyq slansty munaı kompanııalary úshin ken oryndaryn qaıtadan iske qosýǵa belgi bolmaq. Bul da munaıdyń qymbattaýyna yqpal etip otyrǵan ınvestorlar úshin táýekel faktory.
