Munaı jarylysynan balalar opat boldy - Reseı
ASTANA. Qazannyń 23-i. QazAqparat - Reseıdiń Ekaterınbor qalasyna jaqyn jerde qaıǵyly oqıǵa oryn aldy. Munaı quıylǵan tsısterna jarylyp, úsh bala opat boldy.
Tótenshe jaǵdaı Týrınskaıa Sloboda kentindegi qazandyqta bolǵan. Jarylystyń qýatty bolǵany sonshalyq, tsısternadan túk qalmaǵan, dep habarlady Sverdlov oblysynyń Іshki ister bas basqarmasynan.
Balalar gaz aıdaıtyn qubyrlardyń mańynda sirińkemen oınap júrse kerek, deıdi ondaǵylar. Sonyń nátıjesinde aýa-gaz qospasy jarylǵan. Oqıǵanyń mán-jaıy áli anyqtalýda, dep habarlaıdy «Eho Moskvy» radıostansysy.
