Munaı jáne gaz mınıstrligi munaı ónimderiniń jekelegen túrlerin eksporttaýǵa shekteýdi uzartý múmkindigin qarastyrmaıdy

Bul týraly búgin atalǵan vedomstvonyń vıtse-mınıstri Lázzat Qıynov málim etti.

QR Parlamenti Senatynyń Ekonomıkalyq jáne óńirlik saıasat komıtetinde «BR, QR men RF munaı men munaı ónimderiniń ortaq naryqtaryn úıymdastyrý, basqarý, olardyń jumys isteý jáne damý tártibi týraly kelisimdi ratıfıkatsııalaý týraly» zań jobasyn tanystyrǵannan keıin BAQ ókilderiniń saýaldaryna jaýap bergen ol mınıstrliktiń munaı ónimderiniń jekelegen túrlerin eksporttaýǵa shekteýdi uzartý múmkindigin qarastyrmaıtyndyǵyn aıtty. «Biz odan ári jaba almaımyz. Óıtkeni odan ári Kedendik odaq jumys isteıdi. Ázirshe bizdiń japqymyz kelmeıdi», - dedi.

Esterińizge sala keteıik, 2010 jyly 29 mamyrdan 1 shildege deıin benzın, kerosın, gazoıldy eksporttaýǵa shekteý qoıylǵan bolatyn. Bul shara Shymkent munaı óńdeý zaýytyna qaıta jańartý jumystary júrgizilýge baılanysty oryn alǵan edi. 2010 jyly 30 qazanda Úkimet jeńil dıstıllıat pen ónimderdi, kerosın men gaoıldy syrtqa shyǵarýǵa shekteý qoıatyn qaýly qabyldady. Atalǵan shekteý aǵymdaǵy jyldyń mamyryna deıin qoldanysta bolady.