Munaı jáne gaz mınıstri Qashaǵan operatorynyń aýysqandyǵyn qýattady

ASTANA. QazAqparat - Búgin QR Munaı jáne gaz mınıstri Uzaqbaı Qarabalın QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Qashaǵan operatorynyń aýysqandyǵyn qýattady.

«Qazirgi tańda NCOC, ıaǵnı Qashaǵan men Soltústik Kaspıı jobasyn basqarýshy kompanııa qaıta qurylýda. Osyǵan baılanysty basqarý júıesiniń jańa birlestigi, ıaǵnı jańa operator qurylatyn bolady. Oǵan konsortsıým quramyna kiretin barlyq merdigerlerdiń úzdik mamandary qatysatyn bolady», dedi ol.

Onyń atap ótýinshe, operatordyń aýysýy merdigerlerdiń jáne qazaqstandyq taraptyń osy ýaqytqa deıingi operatordyń uıymdastyrý júıesine qanaǵattanbaýy sebep bolǵan.

«Ol barynsha qymbat boldy ári eń bastysy sheshim qabyldaý jáne uıymdastyrýshylyq turǵyda uzaq ýaqytty alatyn. Óıtkeni, ıerarhııa barynsha kúrdeli edi», dedi U.Qarabalın.