Munaı zaýyttary QR bıýdjetin 54 mlrd teńgege tolyqtyrdy
Mamandardyń deregine súıensek, aǵymdaǵy jyldyń 10 aıynda munaı óńdeý kásiporyndary 2015 jylmen salystyrǵanda 0,6%-ǵa artyq ónim óndirgen. Munaı óńdeý mekemelerindegi daıyn ónim belsendiligine degen suranys artyp, kásiporyn shyǵaratyn ónimniń barlyǵy derlik júzege asyrylýda. Qoımadaǵy óndirilgen benzınniń qalǵan kólemi qazan aıynda, osymen úshinshi jyl 3 myń tonnadan aspaǵan. Dızel otynyna degen suranys ta ósken. Óndirýshilerdiń qoımalarynda 1,6 myń tonna qalyp tur. Byltyrǵy jylmen salystyrǵanda qalǵan ónim kólemi 2 ese azaıǵan. Daıyn ónimdi óndirý jáne baǵamynyń ósýi tıisinshe munaı óńdeý kásiporyndarynyń memleketke salyq tóleý arqyly qaıtarymyn ulǵaıtady. Aıaqtalmaǵan 2016 jyly úsh qazaqstandyq MÓZ memlekettik bıýdjetke sáıkesinshe 54 mıllıard teńge tólegen. 2015 jyldaǵy salyq tóleý somasynan 61% kóbeıgen.
Aıta keteıik, memlekettik bıýdjetke salyq tóleý arqyly kómek berip otyrǵan kásiporyndardyń biri PetroKazahstan Oıl Prodakts (Shymkenttik MÓZ). Mekeme 24 mıllıardtan astam teńge, ıaǵnı 2015 jylmen salystyrǵanda 2 ese kóp qarjy tólegen.