Munaı urlamaq bolǵan 43 adam mert boldy
ASTANA. KAZINFORM — Nıgerııanyń qara altynǵa baı Rıvers shtatynda munaı urlaý kezinde qaza bolǵan adamdar sany 43-ke jetti.
Anadolu agenttiginiń málimetinshe, oqıǵa Okrıka jergilikti ózin-ózi basqarý aımaǵyndaǵy Okarı aılaǵynda bolǵan. Rıvers shtaty polıtsııasynyń málimetinshe, qaza tapqandar men zardap shekkender munaı urlamaq bolǵan degen boljam bar. Oqıǵa kezinde ýly gaz taraǵan.
Birneshe adam esinen tanyp, ózenge qulaǵan. Zardap shekkenderdiń birazy tynys alýy qıyndaǵandyqtan aýrýhanaǵa jetkizildi.
Buǵan deıin keminde 37 adamnyń qaza bolǵany habarlanǵan edi. Keıin qurbandar sany 43-ke jetti.
Rıvers shtaty polıtsııasynyń ókili Agabe Blessıng Karbalonyń aıtýynsha, tergeý jumystary jalǵasyp jatyr. Quqyq qorǵaý organdary oqıǵanyń barlyq mán-jaıyn anyqtaýǵa tıis.
Eske salaıyq, osy jyldyń mamyr aıynda Nıgerııanyń soltústik-shyǵysyndaǵy Iobe shtatyndaǵy áskerı oqý ortalyǵyna kúdikti terrorısterdiń shabýyly kezinde keminde 17 polıtsııa qyzmetkeri qaza tapty.
