Munaı tasymaly men eksporty avtomattandyrylǵan júıe arqyly baqylanady
Vıtse-mınıstr Janat Jahmetovanyń aıtýynsha, atalmysh shara saladaǵy ashyqtyqty qamtamasyz etip, esepke aýl kezinde adam faktoryn boldyrmaýǵa múmkindik beredi.
«Munaı men gaz kondensatyn esepke alýdyń aqparattyq júıesin engizý jobasy ázirge birinshi kezeńde. Pılottyq kezeńde onyń qalaı jumys isteıtinin kórgimiz keledi. Biz aqparattar jınaqtalatyn baza quryp jatyrmyz. Aqparattardy operatorlar emes, esepke alý qurylǵysy jınaqtaıtyn bolady. Qurylǵylary munaı-gaz salasynyń nysandarynda ornatylady da, sol jerden sát saıyn avtomatty túrde aqparatty ortaq bazaǵa jiberip otyrady. ıAǵnı, operatorlarǵa toqsan saıyn, jyl saıyn túngi saǵat 4.00-te turyp derekter jiberý qajet bolmaıdy», -dedi mınıstrdiń orynbasary.
Sondaı-aq, ol pılottyq kezeń bitken soń atalmysh júıe ónerkásip oryndaryna engiziletinin eskertti.
«Negizgi mindet – munaı-gaz salasyndaǵy nysandardyń bárin aqparattyq júıege kiriktirý. Bul jerde qıyndyqtar týyndaıtynyn kórip otyrmyz. Biraq biz onyń bárin pysyqtaımyz. Osylaısha biz munaı men gazdyń óndirilgen kólemi, tasymaldaný mólsheri, munaı eksportynyń mólsheri týraly shynaıy aqparatty avtomatty túrde, der kezinde alyp otyramyz, - dedi Janat Jahmetova.
Vıtse-mınıstr zańnama boıynsha atalǵan qurylǵyny kásiporyndar óz qarajaty esebinen júrgiziletinin atap ótti.
