Munaı tarıhy men onyń bolashaǵyna qatysty kitap jaryq kórdi
TANA. 15 qarasha. QazAqparat /Aıdar Ospanalıev/ - «QazMunaıGaz» ulttyq kompanııasynyń qoldaýymen Denıel Ergınniń «Óndirý: munaı, aqsha jáne bılik úshin kúrestiń dúnıejúzilik tarıhy» atty úshinshi jańartylǵan jáne tolyqtyrylǵyn kitaby jaryq kórdi.
Bul týraly atalmysh ulttyq kompanııanyń baspasóz qyzmeti habarlaıdy.
Denıel Ergınniń shyǵarmasynda munaıdyń álemdik ekonomıkaǵa, ulttar men adamdar taǵdyrlaryna, kásipkerler men munaı kompanııalary strategııalarynyń ózgerýine áseri týraly jazylǵan. Denıel Ergın - jahandyq energetıka salasynda sarapshy, daryndy jazýshy. Onyń kitaby oqyrmanǵa jańa zamannyń eń ǵajaıyp tarıhynyń biri - munaı tarıhyn ashady. Avtor áńgimesi sheksiz - Pensılvanııadaǵy alǵashqy uńǵynyń burǵylaýynan bastap, eki dúnıejúzilik soǵys, Iraktyń Kýveıtke basyp kirýin, «Shóldegi daýyl» operatsııasyn, Iraktaǵy soǵys jáne munaıdyń XXI ǵasyrdaǵy rólin qamtıdy. Jańa basylym munaı tarıhyn jáne álemdik energetıkanyń bolashaǵy týraly bilgisi keletin oqyrmandarǵa, ásirese osy salada jumys isteıtin nemese jumysty endi bastaǵan mamandar úshin erekshe qyzyqty.
17 tilge aýdarylǵan «Óndirý: Munaı, aqsha jáne bılik úshin kúrestiń dúnıejúzilik tarıhy» shyǵarmasy úshin Denıel Ergın Pýlıttser syılyǵyna ıe boldy.
