Munaı-servıstik sektordyń damýy turalap tur - Energetıka mınıstri
«Munaı-servıstik sektordyń damýy munaı óndirý salanyń damý qarqynyna tikeleı táýeldi. 2014-shi jylǵy munaı baǵasynyń tómendeýi Qazaqstannyń munaı-servıstik naryǵynyń kólemderin azaıtty. Mysaly, 2014-shi jyldyń qorytyndysy boıynsha munaı-servıstik qyzmetterdiń jalpy kólemi 1,4 trıllıon teńgeni qurasa, 2015-shi jyldyń qorytyndysy boıynsha osy salada 1,3 trıllıon teńge jumsaldy. Bul Qashaǵandaǵy qubyrlardyń aýystyrý jumystaryn qosqanda esteptelip otyr. Eger Qashaǵandaǵy jumystardy almasaq, bul kórsetkish 1,055 trln teńgeni qurady, ıaǵnı jıyrma eki paıyzǵa azaıǵan», - dedi ol.
Mınıstrdiń xabarlaýynsha, eń úlken tómendeý - burǵylaý, geofızıka men qurylys salalarynda baıqalyp otyr. Mysaly, munaı servısiniń jalpy kóleminiń otyz eki paıyzyn alatyn jáne salanyń negizgi draıveri retinde esepteletin «burǵylaý» segmentinde jumys kóleminiń eń úlken tómendeýi baıqaldy. Burǵylaý kólemderi úsh ese qysqarǵan. 2013-shi jyly 1865 uńǵyma bolsa, bıyl 663 uńǵyma paıdalanýǵa beriledi. Sonymen qatar burǵylaý jumystarynda qazaqstandyq kompanııalarynyń úlesi elý alty paıyz ǵana qurap otyr.
«Energetıka mınıstrligi osy óndiristiń kúrdeli jaǵdaıyn túzeý úshin júıeli túrde jumys júrgizip otyr. Mınıstrlik úsh iri operatormen birlesip, taldaý jasap, asa qajetti jáne Qazaqstanda damytýǵa tıimdi bolatyn taýarlar men qyzmetterdiń TOP-10 tizbesin jasady. Úzdik ondyq - bul elektr jabdyǵy, flanetster, aınalatyn jabdyqtar, shegendeý qubyrlary, magıstraldi qubyr júıeleri, jylý almastyrǵyshtar, suıyqqoımalar, hımııalyq reagentter.
Osy bastamanyń sheginde modýldar, temir konstrýktsııalar, flanets pen fıtıng shyǵaratyn, mashına jasaý salasyndaǵy jabdyqtardy jóndeıtin jáne basqa da kásiporyndar quryldy. Mysaly, bıyl shilde aıynda «Tenarıs» kompanııasynyń Aqtaý qalasynda qubyrlarǵa arnalǵan premıým klasyndaǵy burandaly qosylystardy jasaıtyn zaýyty ashylǵan», - dep atap ótti Q. Bozymbaev.
Qazir elimizde eki myńnan astam munaı-servıstik kompanııalar bar, qyzmetkerlerdiń jalpy sany 169 myń. Oǵan jer qoınaýyn paıdalaný salasyndaǵy 150 kompanııanyń 76 myń qyzmetkerin qosýǵa bolady.
Jalpy jer qoınaýyn paıdalaný salasynda munaı servısiniń úlesi qyryq paıyzyn qurap otyr. Servıstik qyzmetterdiń negizgi baǵyttary - uńǵymalardy burǵylaý men jóndeý, qurylys, geofızıka, jobalaý, tehnıkalyq qyzmet kórsetý jáne saraptaý.
