Munaı salasynda jumys isteıtin tórt vahtashy Atyraý-Aqtóbe poıyzynan túsirildi
«Kólik polıtseıleri Atyraý-Aqtóbe poıyzynan osy poıyz bastyǵynyń aktisimen qoǵamdyq orynda ishimdik iship, basqa jolaýshylardyń tynyshtyǵyn buzǵany úshin tórt er adamdy túsirdi», - dedi Kóliktegi polıtsııa departamenti bastyǵynyń birinshi orynbasary Qalıjan Qoblandın.
Onyń aıtýynsha, tekseris barysynda polıtsııa tártip buzýshylardyń Atyraý qalasyndaǵy munaı kompanııasynda vahtalyq ádispen jumys isteıtin jumysshylary ekeni anyqtaldy. Olardyń jastary – 25, 31, 33 jáne 49-da.
Medıtsınalyq kýálandyrý qorytyndysyna sáıkes, tártip buzýshylar orta dárejede mas bolǵan.
«Jolaýshylarǵa qatysty QR ÁQBtK-niń 1-bólimi 440-baby (alkogoldik ishimdikter ishkeni nemese qoǵamdyq oryndarǵa mas kúıde kelgeni úshin) boıynsha ákimshilik materıal daıyndalyp, árqaısysyna 5 AEK kóleminde aıyppul salyndy», - dedi Q. Qoblandın.