Munaı ónimderiniń zańsyz aınalymyna qatysty 35 qylmystyq is qozǵaldy

NUR-SULTAN. QazAqparat - Jyl basynan beri 4 mlrd teńgege jalpy kólemi 20 myń tonna munaı ónimderiniń zańsyz aınalymy faktileri boıynsha 35 qylmystyq is qozǵady. Bul týraly QazAqparat Qarjylyq monıtorıng agenttigine silteme jasap habarlaıdy.

«Jyl basynan beri QMA 4 mlrd teńgege jalpy kólemi 20 myń tonna munaı ónimderiniń zańsyz aınalymy faktileri boıynsha 35 qylmystyq is qozǵady. Anyqtalǵan faktiler boıynsha sotqa deıingi tergep-tekserý aıasynda janar-jaǵarmaıdyń shyǵý kózderi men onyń aınalymyna qatysy bar tulǵalar anyqtalýda. Óńirlerde shekara qyzmeti jáne memlekettik kiris organdarymen ózara is-qımyl jolǵa qoıylyp, birlesken jumys josparlaryna qol qoıyldy», - delingen resmı habarlamada.