Munaı ónimderiniń bırjalyq saýda-sattyǵyna qatysýǵa kedergi azaıdy

NUR-SULTAN. QazAqparat – Qazaqstanda munaı ónimderiniń bırjalyq saýda-sattyǵyna qatysý úshin kedergi azaıdy, dep habarlaıdy QazAqparat QR Básekelestikti qorǵaý jáne damytý agenttiginiń baspasóz qyzmetine silteme jasap.

Baspasóz qyzmetiniń málimetine qaraǵanda, bırja komıtetiniń 2021 jylǵy 22 qazandaǵy qorytyndysyna sáıkes, munaı ónimderiniń aınalym kólemi boıynsha bırjalyq saýda-sattyqqa qatysý úshin munaı ónimderin satyp alýshylarǵa qoıylatyn talaptardy jylyna 20 myń tonnadan 5 myń tonnaǵa deıin tómendetý týraly sheshim qabyldandy.

Jylyna 5 myń tonna munaı ónimderiniń aınalym kóleminiń bul deńgeıi shaǵyn óńirlik JQS bólshek saýda jelisiniń bıznes kólemine sáıkes keledi, bul osy naryqtaǵy eń basym segment bolyp tabylady.

Osylaısha, qabyldanǵan sheshim munaı ónimderiniń bırjalyq saýdasyna qatysýshylardyń sanyn keńeıtýge yqpal etetin bolady.

Bırja komıtetiniń hattamasymen jáne munaı ónimderin taýar bırjalary arqyly kóterme saýdada ótkizý jónindegi usynymdardyń (sektsııalyq Qaǵıdalardyń) sońǵy redaktsııasymen Agenttiktiń resmı ınternet-resýrsynda «Bırjalyq komıtet» bóliminde tanysýǵa bolady.