Munaı ónimderin teńiz arqyly shetelge zańsyz shyǵarǵandar ustaldy

ASTANA. QazAqparat – Munaı ónimderin teńiz arqyly shetelge zańsyz shyǵarýmen aınalysqandar ustaldy. Túrkistan men Mańǵystaý oblystarynda jedel-tergeý júrgizilip jatyr, dep habarlaıdy QazAqparat Ulttyq qaýipsizdik komıtetiniń baspasóz qyzmetine silteme jasap.

«20 shildede Ulttyq qaýipsizdik komıteti «A» arnaýly maqsattaǵy qyzmeti Túrkistan oblysynyń prokýratýrasymen ózara árekettese otyryp, qazaqstandyq munaı ónimderin shetelge, onyń ishinde teńiz arqyly zańsyz shyǵarý arnasynyń jolyn kesti.

Astana, Shymkent qalalarynyń jáne Túrkistan men Mańǵystaý oblystarynyń aýmaǵynda tıisti jedel-tergeý is-sharalary júrgizilip jatyr.

Qylmystyq-protsestik kodekstiń 201-babyna sáıkes ózge aqparat tergeý múddesinde jarııa etýge jatpaıdy», - delingen resmı habarlamada.