Munaı ónimderin ótkizý naryǵyndaǵy úsh holdıngtik kompanııa domınanttar tizbesinde
ASTANA. Qańtardyń 21-i. QazAqparat /Rýslan Ǵabbasov/ - Munaı ónimderin ótkizý naryǵy úsh holdıngtik kompanııalarmen (QazMunaıGaz, PetroQazaqstan jáne Gelıos toby) monopolııalandy (65%-ǵa deıin).
Bul týraly búgin Astanada ótken alqa májilisinde Básekelestikti qorǵaý jónindegi agenttiktiń tóraǵasy Májıt Esenbaev málim etti, dep habarlaıdy QazAqparat.
Onyń aıtýynsha, Agenttik joǵaryda kórsetilgen kompanııalardy domınanttar tizbesine engizdi. Olardyń tarıfin qalyptastyrýdy Úkimet qadaǵalaıdy. Bul baǵanyń aýytqymaýyna, egis naýqanyn tapshylyqsyz ótkerýge, sondaı-aq álemdik avıa naryǵynda ulttyq avıakompanııalardyń básekege qabilettiligin arttyrýǵa múmkindik berdi.
Aıta keteıik, 2009 jyly atalǵan naryqqa 74 tekserý júrgizildi. 34 naryq sýbektisine qatysty materıaldar sot jáne quqyq qorǵaý organdaryna berildi. Osyndaı sýbektilerge qatysty aıyppuldyń jalpy somasy 1,9 mlrd. teńgeni quraıdy.
Sonymen qatar, baǵanyń ósýi, sondaı-aq janar-jaǵarmaı qamtamasyz etýdegi turaqsyzdyq ashyq munaı ónimderi (35%-ǵa deıin) jáne qaıta óńdeletin munaı (55%-ǵa deıin) boıynsha ımportqa edáýir táýeldiliktiń bolýyna baılanysty. Bul problemany orta merzimdi kezeńde munaı ónimderi aınalymyn memlekettik retteý týraly jańa zańdy qabyldaý, sondaı-aq Úkimet orta jáne uzaq merzimdi perspektıvalarda qabyldaıtyn birqatar júıeli is-sharalar sheshýge múmkindik beredi. Bul 2014 jyly Qazaqstanǵa janar-jaǵarmaıdyń netto-eksporttaýshy eli atanýyna múmkindik beredi.
