Munaı ónimderin Qazaqstan aýmaǵynan áketýge jańa shekteý engiziledi

NUR-SULTAN. QazAqparat – Qazaqstanda munaı ónimderin Qazaqstan aýmaǵynan áketýge jańa shekteý engizilmek, dep habarlaıdy QazAqparat.

Bul týraly Energetıka mınıstriniń tıisti buıryǵynda jazylǵan.

«Avtomobıl kólik quraldaryn daıyndaýshy zaýytpen kózdelgen benzın baktarynda, sondaı-aq jalpy kólemi 20 lıtrden aspaıtyn jeke ydystarda áketý jaǵdaılaryn qospaǵanda jaǵarmaıdy, benzınderdi, dızel otynyn jáne munaı ónimderiniń jekelegen túrlerin Qazaqstan Respýblıkasynyń aýmaǵynan avtomobıl kóligimen áketýge alty aı merzimge tyıym salý engizilsin», - delingen qujat mátininde.