Munaı ónimderin avtokólikpen áketýge tyıym salý merzimi uzartylmaq

NUR-SULTAN. QazAqparat – Munaı ónimderin avtokólik quraldarymen áketýge tyıym salý merzimin uzartý kózdelip otyr, dep habarlaıdy QazAqparat QR Energetıka mınıstrliginiń Baspasóz qyzmetine silteme jasap.

Atap aıtqanda, benzın, dızel otyny jáne munaı ónimderiniń jekelegen túrlerin avtomobıl kóligimen áketýge alty aı merzimge tyıym salýdy uzartýdy kózdeıtin «Qazaqstan Respýblıkasy aýmaǵynan munaı ónimderin áketýdiń keıbir máseleleri týraly» birlesken buıryq ázirlendi. Bul sheshim munaı ónimderi tapshylyǵynyń týyndaýyna jol bermeý maqsatynda qabyldanǵan.

Tyıym salý avtokólik quraldaryna shyǵarýshy zaýyt ornatqan benzın baktarynda, sondaı-aq janar-jaǵarmaı materıaldaryn jalpy kólemi 20 lıtrden aspaıtyn jeke ydystarda áketý jaǵdaılaryna qoldanylmaıdy.

Eske sala ketsek, buǵan deıin energetıka mınıstri Májilis ókilderiniń depýtattyq saýalyna joldaǵan jaýabynda janar-jaǵarmaı naryǵyndaǵy tıimsiz jetkizýshilerge qandaı sharalar qabyldanyp jatqanyn aıtqan bolatyn.