Munaı ónimderi men azyq-túlik taýarlaryna bólshek baǵanyń ósimi negissiz boldy - Q.Kelimbetov
TANA. 15 qarasha. QazAqparat /Rýslan Ǵabbasov/ - Bólek sýbektiler tarapynan munaı ónimderi men azyq-túlik taýarlaryna bólshek baǵanyń ósimi negizsiz boldy,
bul sharalar olardyń ózara ymyralasýynyń negizinde jasalǵan.
Bul týraly búgin Úkimet otyrysynda bıylǵy on aıdyń áleýmettik-ekonomıkalyq damý qorytyndysy boıynsha baıandama jasaǵan Ekonomıkalyq damý jáne saýda mınıstri Qaırat Kelimbetov málim etti.
Mınıstrdiń sózine qaraǵanda, búginde turaqty túrde munaı ónimderi men azyq-túlik taýarlarynyń bólshek baǵasyna monıtorıng júrgizilýde.
Atap aıtqanda, baǵanyń ózara kelisý arqyly belgileý turǵysyndaǵy zııan keltirý faktileri boıynsha jáne básekege qabilettilik talaptarynyń saqtalmaýy boıynsha básekelestikti qorǵaý agenttigi bıyldyń on aıynda naryqtyń 78 sýbektisiniń qyzmetine taldaý jasady. Osy zertteý jumystarynyń nátıjesi taýarlar baǵasynyń ósimine naryqtyń bólek sýbektiler tarapynan obektıvti sebepter bolmaǵanyn kórsetti.
«Osy oraıda, baǵanyń ósimi negizsiz túrde joǵarylaǵan. ıAǵnı, bul turǵyda ózara ymyralasý arqyly zııan keltirilip, baǵanyń ósimi qoldan belgilengen», - dep atap ótti Q.Kelimbetov.
