Munaı óndirý jáne ıgerý departamentiniń dırektory aýysty
ASTANA. KAZINFORM — Energetıka mınıstrliginde Munaı óndirý jáne ıgerý departamentiniń dırektory taǵaıyndaldy, dep habarlaıdy vedomstvonyń baspasóz qyzmeti.
— QR Energetıka mınıstriniń buıryǵymen Álibek Muratuly Ábilov Munaı óndirý jáne ıgerý departamentiniń dırektory qyzmetine taǵaıyndaldy, — delingen habarlamada.
Álibek Ábilov 1989 jyly dúnıege kelgen. 2011 jyly University of Tulsa ýnıversıtetin «Munaı ınjenerııasy (Munaı isi)» mamandyǵy boıynsha, 2013 jyly Qaraǵandy ekonomıkalyq ýnıversıtetin «Qarjy» mamandyǵy boıynsha, 2021 jyly RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn «Memlekettik jáne jergilikti basqarý» mamandyǵy boıynsha bitirgen.
Eńbek jolyn AQSh-tyń Talsa qalasynda ornalasqan «Marjo Operating» LLC (JShS) kompanııasynda munaı barlaý jónindegi shtattan tys maman laýazymynda bastaǵan.
Ár jyldary KMG Rompetrol (Býharest q.), «QazMunaıGaz» AQ, «SONI Masterplan» (Romariculture) Srl (Rýmynııa) kompanııalarynda jumys istegen, sondaı-aq «Samuryq-Qazyna Óńdeý» JShS aktıvterdi basqarý departamentiniń dırektory qyzmetin atqarǵan.
Osydan buryn SQO saýda jáne tutynýshylardyń quqyqtaryn qorǵaý departamentine jańa basshy kelgenin jazǵanbyz.
