Munaı óndirý kólemi 2%-ǵa artty degen aqparat jalǵan — Energetıka mınıstrligi

ASTANA. KAZINFORM — Energetıka mınıstrligi tamyz aıynda Qazaqstanda munaı óndirý kólemi táýligine 1,712 mln barrel bolǵanyn habarlady. 

Bul kórsetkish shilde aıymen salystyrǵanda táýligine 48 myń barrelge tómen.

— Energetıka mınıstrligi keıbir buqaralyq aqparat quraldarynda jarııalanǵan, elimizde munaı óndirý deńgeıi tamyzda ótken aımen salystyrǵanda artty degen aqparatty túbegeıli joqqa shyǵarady, — delingen sársenbi kúni jarııalanǵan mınıstrlik málimdemesinde. 

Aıta ketelik OPEK+ munaı óndirý kólemin arttyrý múmkindikterin talqylaıdy. 

Sonymen qatar elimizde munaı-gaz hımııasy salasynda bıznesti qoldaý jónindegi jumys toby quryldy.