Munaı óndirý kólemin ulǵaıtý Qashaǵan ken ornyn energııa qorynyń álemdik naryǵyndaǵy deńgeıin kóteredi
AQTAÝ. 11 qyrkúıek. QazAqparat - Búgin ákim Alık Aıdarbaevtyń qatysýymen ótken Mańǵystaý oblysy munaı-gaz salasyn damytýǵa arnalǵan semınar-otyrysta Qashaǵan ken ornyn ıgerý jobasyn paıdalanýǵa berý daıyndyq ústinde ekeni jarııalandy.
«Búgin Qashaǵan ken ornynda uńǵymadan birinshi munaı shapshyǵany belgili boldy. Qashaǵan ken ornyn ıgerý jobasynyń birinshi kezeńi sheńberinde atqarylǵan jumys aıaqtalýǵa jaqyn qaldy jáne joba paıdalanýǵa berýge daıyndyq ústinde. Kelesi ıgerý jobalary óndirý kólemin áldeqaıda ulǵaıtady jáne Qashaǵan ken ornyn energııa qorynyń álemdik naryǵyndaǵy mańyzdy qatysýshylarynyń deńgeıine kóteredi», - dep habarlady NKOK kompanııasynyń aımaqtyq dırektory Rústem Іlııasov.
Mańǵystaý oblysynyń ákimi Alıkk Aıdarbaev qatysýshylardy osy aıryqsha jáne mańyzdy oqıǵamen quttyqtady.
Eske sala keteıik, Qashaǵan ken orny Kaspıı ózeniniń soltústik bóliginde ornalasqan jáne shamamen 75 te 45 km aýmaqty alyp jatyr. Munaıdyń geologııalyq qorlary munaıdyń 30 mlrd barrelinen artyq baǵalanýda.
