Munaı óndirisi qysqarǵanymen aımaq turaqty damyp keledi - Qyrymbek Kósherbaev

«Sońǵy 6 jyl ishinde jalpy alǵanda 4,5 mln. tonna ónimdi joǵalttyq. Bul degenimiz - ınvestıtsııa, jumys oryndary jáne bıznes. Tek aǵymdaǵy jyldyń ózinde aldyn ala boljam boıynsha 600 myń tonnadan astam munaı jetispeýshiligi baıqaldy. Biraq, óńirde qolǵa alynǵan júıeli sharalardyń nátıjesinde 2017 jyldyń qorytyndysy boıynsha sońǵy 4 jylda birinshi ret JІÓ boıynsha oń vektorǵa, ıaǵnı 100,8% shyqtyq. Munaı men ýran óndirý kóleminiń jyl saıynǵy tómendeýine qaramastan, bul jospar bıyl da oryndalady», - dedi aımaq basshysy.

Onyń aıtýynsha, sońǵy 3 jylda ónerkásip kapıtalyna salynǵan ınvestıtsııa kólemi 2 esege artqan, sondaı-aq, jumyspen qamtylǵandar sany 55%-dy qurasa, eńbek ónimdiligi 18%-ǵa ósken.

Oblys ákimi málim etkendeı óńirdi damytýdaǵy negizgi mindet - shıkizattyq emes sektordy damytý arqyly ekonomıkany ártaraptandyrý.

Buǵan deıin habarlaǵynymyzdaı, bıyl Qyzylorda oblysynyń Shıeli aýdanynda elimiz boıynsha tuńǵysh tamponajdy tsement zaýyty paıdalanýǵa berilip, ol 260-tan astam adamdy jumyspen qamtıdy.

Sonymen qatar, 2019 jyly tuzdy qaıta óńdeý jáne kaltsıılengen soda óndirý zaýyttarynyń qurylysyn salý josparlanýda.

«Ekonomıkadaǵy oń úrdister 2 jyl boıy jumyssyzdyq deńgeıin 4,8% sheginde ustap turýǵa múmkindik berdi. Bul búginde respýblıka boıynsha orta eseppen salystyrǵanda birshama tómen. Osy jyldar ishinde ekonomıkalyq qıyndyqtarǵa qaramastan, biz qyzmetkerlerdi kásiporyndardan jappaı qysqartpaýdan bólek, sońǵy 6 jylda 68 myńnan astam jańa jumys ornyn qurýǵa qol jetkizdik», - dedi ákim.

Buǵan deıin oblys ákimi óńirde jumyssyzdyq deńgeıiniń 3 esege deıin azaıdyǵyn aıtyp ótken bolatyn.