Munaı óńdeý zaýyttary jumystaryn toqtatqan joq – Nurlan Noǵaev

NUR-SULTAN. QazAqparat – Qazirgi tańda munaı-gaz salasynda ónimin ótkize almaı júrgen kompanııalar joq. Bul týraly QR Energetıka mınıstri Nurlan Noǵaev Ortalyq kommýnıkatsııalar qyzmetinde ótken onlaın brıfıngte aıtty, dep habarlaıdy QazAqparat tilshisi.

«Qazirgi tańda munaı-gaz salasynda ónimin ótkize almaı júrgen kompanııalar joq. Barlyǵy múmkindikteri boıynsha Atyraý –Samara jáne Atasý-Alashankoý munaı qubyry arqyly jáne temirjolmen basqa da taraptarǵa ótkizip jatyr. Іshki naryqta munaı óńdeý zaýyttarynda óńdeý protsesteri de uıymdastyryldy. Biz munaı óndirýshi kompanııalardyń ónimderin ótkizý úshin Úkimet qabyldaǵan sheshimderge, ıaǵnı kedendik baj salyǵyn alyp tastaý jóninde, kedendik odaqtyń syrtynda munaı ónimderin shyǵarý jónindegi máselelerdi taǵy da ákimshilik qoldaýlardy, retteýlerdi qabyldadyq», - deıdi QR Energetıka mınıstri Nurlan Noǵaev

Onyń aıtýynsha, pandemııaǵa qarsy ekonomıkalyq belsendilik tómendegen kezde munaı ónimderin tutyný kólemi de azaıdy.

«Qazirgi Úkimet qabyldaǵan sheshimderge sáıkes munaı óńdeý zaýyttary óz jumysyn toqtatqan joq. Pavlodar munaı óńdeý zaýyty 8 maýsymǵa deıin jóndeý jumystaryn júrgizip jatyr. Ol bitkennen keıin turaqty jumysyn atqaratyn bolady», - deıdi ol.