«Munaı óńdeý zaýyttary jabyla ma?»- BAQ-qa sholý
***
Qazaq - toı dese ishken asyn jerge qoıatyn, bárin umytatyn halyq. Jaz aıynda toı tipti kóbeıip ketedi. Al endi kóktemde toıǵa jınalǵan 57 adamnyń birdeı astan ýlanyp qalǵany kópshilikti úreılendirip tastady. Toıǵa jınalǵandardyń neden ýlanyp qalǵany ázirshe belgisiz. Qazir sanıtarlyq-epıdemıologııalyq qyzmet túrleri ony anyqtaý ústinde. 57 adam qazir aýrýhanaǵa túsken. Óskemen qalasyndaǵy sanıtarlyq-epıdemıologııalyq basqarma bastyǵy Mıhaıl Derıavınniń aıtýynsha, zardap shekkender saqtalý merzimi 20 saǵattan asyp ketken sapasyz taǵamnan ýlanýy múmkin. Toıǵa kelgender erteńinde salat pen araqty alyp, kókke shyqqan. Soǵan qaraǵanda, araqtyń da kinási bar ma degen oıǵa qalasyz. Biraq ýlanǵandardyń deni araqty aýyzǵa almaıtyndar. Bul materıal «Egemen Qazaqstan» basylymynda «Óskemende 57 adam ýlanyp qaldy» degen taqyryppen berilgen.
«Ótken jumada, ıaǵnı 19 sáýirde keshke taman Qurmanǵazy aýdanyndaǵy Aqkóldeý telimine ushaq tektes ushý apparaty qulady. Muny osy aýdandaǵy Balqudyq aýylynyń turǵyndary kórgen. Osy aýyldyń turǵyny, Qurmanǵazy aýdandyq máslıhatynyń depýtaty Mansur Qýanyshálıevtiń aıtýynsha, apparat qulaǵan telim aýmaǵynda onyń balasy qoı baǵyp júrgen. Sonymen birge, Balqudyq aýylynyń jastary da osy telimniń aýmaǵyna qyzǵaldaq terýge shyqqan. Ushqyshsyz basqarylatyn apparat qulaǵanda qoıý tútin men shań kóterilgen. Osynyń bárine kýá bolǵandar Mansur Qýanyshálıevke osylaı aıtyp kelgen»,-dep jazady «Egemen Qazaqstan» gazeti «Ushý apparaty qulady» atty aqparatta. «Mundaı oqıǵa bizdiń aýdanda ár kez bolyp turady. Bul bizge tańsyq emes. Aqkóldeýge qulaǵan ushaqqa uqsas apparattyń sońynan Reseıdegi Ashýlýk áskerı polıgony jaǵynan tikushaq ushyp kelgen. Ol jerge qonbaı, qulaǵan apparattyń ústinen aınalyp júrip, keri ushyp ketken. Munyń bárine meniń balam da, ózge aýyldastarym da kýá bolǵanyn aıtyp keldi. Mundaı oqıǵa endi qaıtalanbaǵanyn qalaımyz. Sebebi, Aqkóldeý teliminde mal baǵyp otyrǵan aýyldastarymyz bar. Solarǵa zardaby tıe me dep alańdaımyz», - deıdi aýdandyq máslıhat depýtaty Mansur Qýanyshálıev.
***
«Aıqyn» basylymynyń jazýynsha, Qazaqstandaǵy 3 munaı zaýyty jabylýy ǵajap emes. Óıtkeni olar zaman talabyna saı ónim bere almaýda eken. Keshe «Úkimet saǵaty» aıasynda Parlament aldynda esep berýge kelgen Munaı jáne gaz mınıstri Saýat Myńbaev Úkimettiń qıyn tańdaý aldynda turǵandyǵyn ashyq aıtty. Taǵy bir jańalyq: Biryńǵaı ekonomıkalyq keńistik boıynsha «odaqtasymyz» Reseı, jyl basynan beri «Eýro-3» standartyna kóshipti. Eger Qazaqstan sonyń sońynan ilesse, elimizde AI-92 markaly benzın túbegeıli joǵalady! Mınıstrdiń aıtýynsha, sonda endi halyqqa qıyn tańdaý qoıylady. Bul jaıynda tolyǵyraq «Munaı óńdeý zaýyttary jabyla ma?» degen taqyryppen berilgen maqalada jazylǵan.
«Qazirgi aqparattyń zamanynda kompıýter ómirimizdiń ajyramas bir bóligine aınaldy. Al osy kompıýterlerdiń tórtten úsheýi pırattyq baǵdarlamalarmen jabdyqtalǵanyn bireý bilse, bireý bilmes. ıAǵnı, qazaqstandyq ІT naryqtyń 76 paıyzyn qaraqshylyq jolmen óndirilgen ónimder quraıdy»,-dep jazady «Aıqyn» basylymy «Qaraqshylyqqa qarsy kúres» atty maqalada.
***
«Kazahstanskaıa pravda» basylymynyń jazýynsha, keshe Qazaqstan Prezıdenti Nursultan Nazarbaev Qytaı Halyq Respýblıkasynyń tóraǵasy Sı Tszınpınge Sychýan provıntsııasynda bolǵan zilzalaǵa baılanysty kóńil aıtý jedelhatyn joldady. Memleket basshysy zilzala saldarynan kóptegen jannyń qurban bolyp, myńdaǵan adamnyń zardap shekkeni týraly habardy tereń kúızelispen qabyldaǵanyn atap ótken. «Osyndaı syn saǵatta Qazaqstan halqy atynan jáne jeke óz tarapymnan joıqyn tabıǵat apatynan qaza tapqandardyń týys-týǵandaryna, sondaı-aq búkil Qytaı halqyna aýyr qaıǵylaryna ortaqtasyp, kóńil aıtamyn», -delingen jedelhatta.
