Munaı óńdeý zaýyttary jekemenshikke berilmeıdi - Aqkenjenov

ASTANA. KAZINFORM — Energetıka mınıstri Erlan Aqkenjenov elimizdegi munaı óńdeý zaýyttarynyń jekeshelendiriletinine qatysty málimetti joqqa shyǵardy.

- Adamdar, keıbir sarapshylar belgili bir memlekettik aktıvtiń tym arzanǵa satylatyny jaıynda aıtqany qatesýge alyp keledi. belgili bir aktıvti baǵalaýdyń birneshe tásili bar. Tásilderdiń biri – bul múliktiń shynaıy quny. Ekinshisi – EBITDA ekonomıkalyq kórsetkish anyqtamasy, kóbeıtilgen koeffıtsıenti. Sondyqtan atalǵan aktıvter tym arzanǵa satylady deý durys emes, - dedi mınıstr.

Onyń aıtýynsha, munaı óńdeý zaýyttary tabysy óte joǵary kásiporyn. Qazir «QazMunaıGaz» kompanııasy arqyly memleket olardyń aktsıoneri sanalady jáne dál búginde olardy satýdy josparlap otyrǵan joq.

- Básekelestikti qorǵaý jáne damytý agenttigi atalǵan aktıvterdi ózderiniń qyzmetterine oraı jekeshelendirý kartasyna qoıdy. ıAǵnı, olar búginde munaı óńdeý sektorynyń tolyǵymen memleket qolyna shoǵarlanǵanyn kórip otyr. Agenttiktiń negizgi qyzmeti – mundaı básekelestikti damytý. Sondyqtan da olar durys básekelestik turǵysynda ekonomıkamyzdyń túrli sektory damýy úshin bárin jasaıdy. Biraq, bul atalǵan aktıvterdi memleket satatynyn bildirmeıdi, - dedi Erlan Aqkenjenov. 

Buǵan deıin mınıstr Shymkent munaı óńdeý zaýytyn 6 mln tonnadan 12 mln tonnaǵa deıin, Atyraý munaı óńdeý zaýytyn 5,5 mln tonnadan 6,7 mln tonnaǵa deıin jáne Pavlodar munaı-hımııa zaýytyn 5,5 mln tonnadan 9 mln tonnaǵa deıin keńeıtý jumystary josparly túrde jalǵasyp jatqanyn aıtty.