Munaı óńdeý salasyn damytý tujyrymdamasy ázirlendi

ASTANA. KAZINFORM — Munaı óńdeý salasyn damytýdyń 2024-2050 jyldarǵa arnalǵan tujyrymdamasy ázirlendi. Bul týraly Energetıka mınıstrliginen málim etti.

Tujyrymdama aǵymdaǵy ahýaldy taldaýdy, salany damytýdyń halyqaralyq tájirıbesi men paıymyn sholýdy qamtıdy. Negizgi baǵyttar boıynsha óńirlik jáne álemdik syn-qaterlerdi eskere otyryp, 2024-2050 jyldar kezeńinde Qazaqstan Respýblıkasynyń munaı óńdeý salasyn ornyqty damytý jónindegi negizgi tásilder men qaǵıdattar men nysanaly ındıkatorlardy aıqyndaıdy:

1. Ekonomıkany otandyq munaı ónimderimen qamtamasyz etý.

2. Otandyq munaı ónimderiniń eksporty.

3. ESG.

4. Qoldanbaly ǵylym men bazalyq munaı-hımııany damytý.

5. Eldiń JІÓ-ne salymy ósýi.

«Tujyrymdamanyń túpki maqsaty — turaqty jáne ozyq damý arqasynda qazaqstandyq munaı óńdeý zaýyttardyń básekege qabilettiligin qamtamasyz etý. Investıtsııalar tartý jáne resýrstardy shoǵyrlandyrý qazirgi óńirlik jáne jahandyq syn-qaterlerge esebinen jaýap retinde sanalady», — dep atap ótedi vedomstvodan.