Munaı óńdeý kólemi jylyna 17 mln. tonnaǵa jetkizilse, ashyq tústi munaı ónimderiniń kólemin tolyq qamtamasyz etýge múmkin bolady

Bul týraly búgin Astanada ótken onlaın-konferentsııa barysynda Munaı jáne gaz vıtse-mınıstri Áset Maǵaýov aıtty.

«Elimizdiń úsh munaı óńdeý zaýytyn qaıta qurý jumystarynyń qorytyndysy boıynsha munaı óńdeý kólemi jylyna 17 mln. tonnaǵa jetedi degen oıdamyz. Bul óz kezeginde Qazaqstandaǵy munaı ónimderine degen barlyq qajettilikti tolyǵymen qamtamasyz etýi tıis»,- dedi vıtse-mınıstr.

Onyń sózine qaraǵanda, qazirgi kezde elimiz jylyna 13 mln. tonnaǵa jýyq munaıdy óńdeıdi. «Atap aıtqanda osyǵan 4 mln. tonna qosylatyn bolsa, ashyq tústi munaı ónimderiniń kólemi arta túsedi. Osyǵan oraı munaı óńdeý zaýyttaryndaǵy qaıta qurý jumystarynan keıin bul munaı ónimderi «Eýro-4» standarttaryna sáıkes bolýy tıis»,- dedi Á. Maǵaýov.