Munaı naryǵynda Brent pen WTI arzandady
ALMATY.KAZINFORM - Álemdik naryqta Brent jáne WTI markaly munaı baǵasy juma kúni saýda qorytyndysy boıynsha tómendedi. Al Urals markaly munaı qymbattady.
Juma kúni tańerteń WTI markaly munaı fıýchersteri barreline 90,76 dollardan saýdalandy. Bul aldyńǵy kórsetkishten 0,80%-ǵa tómen.
Brent markaly munaı baǵasy barreline 103,34 dollar bolyp, 0,90% arzandady.
Al Urals markaly munaıdyń baǵasy 2,55 dollarǵa nemese 2,10% ósip, barreline 123,93 dollarǵa jetti.
Brent markaly munaı juma kúni tómendegenine qaramastan, aptalyq ósimin saqtap otyr. Buǵan deıin onyń baǵasy shamamen 4% kóterilgen. Al WTI markaly munaı az tómendedi.
Naryq qatysýshylary Ormýz buǵazyndaǵy jaǵdaıdy da jiti baqylap otyr. Qaqtyǵys bastalǵanǵa deıin bul buǵaz arqyly álemdik munaı men munaı ónimderi tutynýynyń shamamen 20%-na teń kólemde jetkizilim júzege asyrylǵan.
Eske salsaq, Taıaý Shyǵystaǵy shıelenis saldarynan munaı baǵasy sharyqtap jatqany aıtyldy.
