Munaı men gazdy tıimsiz paıdalanǵan kompanııalar memleketke 14 mlrd teńge ótedi
ASTANA. KAZINFORM — QR Energetıka mınıstrligi jáne onyń Atyraý men Qyzylorda oblystaryndaǵy munaı-gaz keshenindegi memlekettik ınspektsııanyń óńiraralyq basqarmalary retteletin saladaǵy zańnamanyń saqtalýyn qamtamasyz etý boıynsha júıeli jumysty jalǵastyrmaq. Bul týraly vedomstvonyń baspasóz qyzmeti málim etti.
— Jyl basynan beri kómirsýtek salasyndaǵy memlekettik baqylaý aıasynda 100 tekserý is-sharasy ótkizildi, onyń ishinde 18 profılaktıkalyq baqylaý, 30 jospardan tys tekserý, 15 sharttyq mindettemelerdi oryndaý boıynsha baqylaý jáne 37 memlekettik qyzmet kórsetý aıasyndaǵy ruqsattyq tekserý bar, — delingen habarlamada.
Nátıjesinde 18 buzýshylyqty joıý týraly nusqama berildi, 80 ákimshilik aıyppul 110 mln teńge somasynda salyndy. Sonymen qatar, munaı men gazdy utymsyz paıdalaný úshin 14 mlrd teńgeden astam zalal óndirildi. Qazirgi ýaqytta qosymsha 4 mln teńgege jýyq aıyppul men 2,4 mlrd teńge zalaldy óndirý boıynsha materıaldar qaralyp jatyr.
Energetıka mınıstrligi jer qoınaýyn paıdalanýdy qamtamasyz etý boıynsha jumysty jalǵastyrady.
Aıta keteıik, munaı-gaz sektoryndaǵy áleýmettik jáne eńbek qatynastaryn jetildirý máseleleri talqylandy.