Munaı men gazdy tıimsiz paıdalanǵan kompanııalar 14 mlrd teńge shyǵyndy ótedi
ASTANA. KAZINFORM — Energetıka mınıstrligi munaı men gazdy utymsyz paıdalanǵany úshin 14 mlrd teńge shyǵyndy óndirip aldy.
Energetıka mınıstrligi jáne onyń Atyraý men Qyzylorda oblystaryndaǵy munaı-gaz keshenindegi memlekettik ınspektsııanyń óńiraralyq basqarmalary retteletin saladaǵy zańnamanyń saqtalýyn qamtamasyz etý boıynsha júıeli jumysty jalǵastyryp jatyr.
— 2025 jyldyń 9 aıynda kómirsýtek salasyndaǵy memlekettik baqylaý aıasynda 100 tekserý is-sharasy ótkizildi, onyń ishinde 18 profılaktıkalyq baqylaý, 30 jospardan tys tekserý, 15 sharttyq mindettemelerdi oryndaý boıynsha baqylaý jáne 37 memlekettik qyzmet kórsetý aıasyndaǵy ruqsattyq tekserý bar.
Nátıjesinde 18 zań buzýdy joıý týraly nusqama berildi, 110 mln teńge somasynda 80 ákimshilik aıyppul salyndy. Sonymen qatar, munaı men gazdy utymsyz paıdalaný úshin 14 mlrd teńgeden astam zalal óndirildi, — delingen habarlamada.
Qazirgi ýaqytta qosymsha 4 mln teńgege jýyq aıyppul men 2,4 mlrd teńge zalaldy óndirý boıynsha materıaldar qaralyp jatyr.
Energetıka mınıstrligi jer qoınaýyn paıdalanýdy qamtamasyz etý boıynsha jumysty jalǵastyrady.
Aıta ketelik Pavlodarda qaldyqtardy zańsyz kómip kelgen kásiporynǵa 28 mlrd aıyppul salynǵan edi.