Munaı qymbattady, «QazMunaıGaz» bıýdjetin qaıta qaraı ma

NUR-SULTAN. QazAqparat – «QazMunaıGaz» UK» AQ munaı baǵasynyń kóterilýine baılanysty bıýdjetin qaıta qarastyra ma? Bul saýalǵa búgin QMG Basqarma tóraǵasynyń orynbasary Dáýren Qarabaev jaýap berdi, dep habarlaıdy QazAqparat tilshisi.

«2021 jylǵa arnalǵan qazirgi bıýdjet munaı baǵasynyń barreline 40 dollar mólsherinde qalypastyrylǵan. Degenmen, osy sátte bıýdjetti qaıta qarastyrýdy josparlap otyrǵanymyz joq. Bul jyl ishinde ortasha baǵanyń qandaı deńgeıde bolatyndyǵyna qatysty jaıttyń aıqyn bolmaýyna baılanysty. Munaı baǵasynyń tómendeý yqtımaldyǵyn da joqqa shyǵarmaımyz», - dedi ol onlaın brıfıng barysynda BAQ ókilderiniń saýalyna oraı.

Sonymen qatar onyń atap ótýinshe, 2021 jyldyń bıýdjeti qalyptastyrylǵan sátte OPEK+ kelisimi aıasyda mundaı óndirýge shekteýdiń qandaı bolatyndyǵy da belgisi edi.

«Sondyqtan 2020 jyly qol jetkizgen kórsetkish deńgeıinen munaıdy kóbirek óndiremiz dep belgiledik. Soǵan oraı munaı óndirý jospary da tómen boldy. Biraq, jekelegen enshiles uıymdarymyz munaı óndirýdegi ózgeristerge baılanysty ózderiniń óndiristik baǵdarlamalaryna túzetýler enigizýi múmkin», - dedi Dáýren Qarabaev.