Munaı kóp óndiretin elde bıtýmnyń tapshy bolýy uıat jaǵdaı – Qasym-Jomart Toqaev

NUR-SULTAN. QazAqparat – Prezıdent Qasym-Jomart Toqaev Qazaqstan halqyna Joldaýynda Úkimetke bıtým tapshylyǵyn tezdetip sheshýdi tapsyrdy, dep habarlaıdy QazAqparat tilshisi.

«Qazaqstan temir joly» kompanııasy tolyqqandy tranzıttik-logıstıkalyq korporatsııa bolyp qaıta qurylady. Avtojol qurylysyna, sonyń ishinde jergilikti joldardyń sapasyna basa mán berý kerek», - dedi Prezıdent.

Aıtýynsha, bıýdjetten qyrýar qarjy bólinse de, bul másele áli sheshimin tappaı otyr.

«Men 2025 jylǵa deıin jergilikti joldardyń keminde 95 paıyzyn jaqsartý jóninde tapsyrma berdim. Úkimet bul máseleni tikeleı baqylaýǵa alsyn. Jol qurylysyndaǵy zańsyzdyqtardy anyqtaý qajet. Bul jumystan naqty nátıje shyǵarý kerek. Bizde áli kúnge deıin bıtým tapshy. Bul – iri kólemde munaı óndiretin el úshin, tipti, uıat jaǵdaı», - dedi Memleket basshysy.

Sondaı-aq, Prezıdent Úkimettiń jumysyn synady.