Munaı kompanııasynyń aktsııasyn satyp almaq bolǵan aqtóbelik 16 mln teńgesinen aıyryldy

AQTÓBE. QazAqparat – Aqtóbelik áleýmettik jelidegi jarnamaǵa aldanyp, bar jınaǵynan aıyryldy. Tipti beıtanys adam nesıe rásimdep jibergen, dep habarlaıdy QazAqparat tilshisi.

Aqtóbe qalasynyń polıtsııa basqarmasyna qala turǵyny aryz túsirdi.

Ol munaı kompanııasynyń aktsııasyn satý týraly jarnamany kórip, silteme arqyly ózi týraly derekterdi qaldyrǵan.

Keıin beıtanys adam baılanysqa shyqty.

Beıtanys adam onyń derekterin alǵan jáne bankterdiń biriniń qosymshasy arqyly jınaq depozıtindegi bar qarjyny ıemdengen. Tipti nesıe rásimdegen. Shyǵyn 16 mıllıon teńgeden asty.

«Osy fakti boıynsha Qylmystyq kodekstiń «alaıaqtyq» baby boıynsha qylmystyq is qozǵaldy. Aqtóbe oblysy polıtsııa departamenti bank kartalarynyń derekterin saıttarǵa engizý qaýipti ekenin eske salady. Aqshany krıptovalıýtaǵa, aktsııalarǵa, baǵaly metaldarǵa jáne t.b. ınvestıtsııalaý arqyly úlken dıvıdend ýáde beretin kúmándi jobalarǵa aqsha salýǵa bolmaıdy. Eger osy joldy tańdasańyz sholý júrgizip, pikirlerdi oqyp shyǵyńyz»,- deıdi Aqtóbe oblystyq polıtsııa departamenti baspasóz qyzmetinie jetekshisi Erbolat Sarqulov.

Eske salsaq, memleketke 200 mln teńgege jýyq shyǵyn keltirdi dep aıyp taǵylǵan «Aqtóbe» áleýmettik kásipkerlik koroporatsııasynyń burynǵy basqarma tóraǵasy Ermek Imantaevti qamaýda ustaý merzimi taǵy eki aıǵa uzartyldy.

Іs áli sotqa jetpedi. Tergeýdi Sybaılas jemqorlyqqa qarsy is-qımyl agenttiginiń oblystyq departamenti júrgizip jatyr.