Munaı kompanııasy Qulsaryǵa 24 myń lıtr bótelkedegi sýdy jetkizip berdi
ATYRAÝ. KAZINFORM – Munaı kompanııasy Qulsaryǵa 24 myń lıtr bótelkedegi sýdy jetkizip berdi. Buǵan Jylyoı aýdanynyń ortalyǵyndaǵy aýyz sýdyń laılanǵany sebep bolǵan.
«Teńizshevrıol» JShS-niń baspasóz qyzmetinen málim etkendeı, Jylyoı aýdanynyń belsendileri Qulsary qalasynyń turǵyndary úshin aýyz sý jetkizip berýdi suraǵan. Osyǵan baılanysty kompanııa 24 myń lıtr bótelkege quıylǵan sý bólgen.
«Onyń ishinde 6 myń bótelke balalar, áıelder men egde jastaǵy adamdar ornalasqan evakýatsııalyq pýnktterge jetkiziledi. Belsendiler Qulsary qalasynyń turǵyndarynaa sý taratady», - dep habarlady kompanııanyń baspasóz qyzmeti.
Jylyoı aýdanynyń belsendisi Raısa Teleýbaevanyń aıtýynsha, kompanııa tasqyn sýdan zardap shekken Qulsary qalasynyń turǵyndaryna birneshe ret kómek kórsetken.
«Biz turǵyndardyń aýyz sý tapshylyǵyna urynbaǵanyn qalaımyz. Kompanııanyń demeýshiligimen jetkizilgen sýdy kóp balaly otbasylarǵa, qarttarǵay, barlyq turǵyndarǵa jetkizip beremiz», - deıdi Raısa Teleýbaeva.
Eske sala ketelik, budan buryn Qulsary turǵyndary laılanǵan aýyz sý úshin tarıftiń 50 paıyzyn ǵana tóleıtinin habarlaǵan edik.
