Munaı kenishteri onlaın aýktsıon arqyly 13 ese qymbatqa satylǵan
NUR-SULTAN. QazAqparat – Energetıka vıtse-mınıstri Janat Jahmetova ortalyq kommýnıkatsııalar qyzmetinde kómirsýtekterdi barlaý jəne óndirý quqyǵyna arnalǵan onlaın aýktsıonnyń nətıjelerin qorytyndylady, dep habarlaıdy QazAqparat tilshisi.
Mınıstrlik ókiliniń sózinshe, otyn-energetıka keshenindegi E-aýktsıon servısi 2020 jyldyń 1 qyrkúıeginde iske qosylǵan. Alǵashqy onlaın aýktsıon byltyr 23 jeltoqsanda ótken bolatyn. Al sońǵysy bıyl 23 sáýirde 8 ýchaske boıynsha uıymdastyrylǵan.
«2021 jylǵy 23 sáýirde ótken ekinshi elektrondyq aýktsıonǵa bastapqy qol qoıý bonýsy 713 mln teńge bolatyn 8 munaı-gaz ýchaskesi qoıyldy. Al qol qoıý bonýsynyń jıyntyq somasy bastapqy qol qoıý bonýstan 13 ese asyp, 9,3 mlrd teńgeni qurady. Kómirsýtekterdi barlaý jáne óndirý úshin memleket usynatyn 8 ýchaskeniń jalpy aýdany 2 myń sharshy shaqyrymnan asady», - dedi Janat Jahmetova.
Vıtse-mınıstr bul joly aýktsıon ótken zaldan onlaın-kórsetilim uıymdastyrylǵanyn da eske saldy.
«Bul onyń Qazaqstannan da, shetelden de ótýin baqylaýǵa múmkindik berdi. Sonymen qatar, tsıfrlyq formatta ótkizilgen aýktsıondardyń muraǵaty saqtalyp otyr», - dedi mınıstrdiń orynbasary.
