Munaı ken oryndaryn barlaý jumystary óte mardymsyz — depýtat synǵa aldy

ASTANA. KAZINFORM — Jańa munaı ken oryndaryn barlaýǵa tym az qarajat baǵyttalyp jatyr. Bul týraly Parlament Májilisindegi Úkimet saǵatynda depýtat Baqtyqoja Іzmuhambetov málim etti.

«Búgin úsh munaı óńdeý zaýytyna beriletin shıkizat jóninde aıtyldy. Bizdiń otandyq munaı óndirýshiler qory azaıǵan, ekonomıkalyq turǵyda óte aýyr jobalarmen jumys istep jatyr. Sondyqtan taıaý jyldary munaı óndirýdi 10 mln tonnaǵa ósirmek túgili, qazirgi mólsherde ustap turýdyń ózi úlken qıyndyqqa ákelgeli jatyr. Osy máselege nazar aýdarý kerek. Atap aıtqanda, barlaý jumystaryna qatysty júzege asyrylyp jatqan is-qımyldar óte mardymsyz», — dedi B. Іzmuhambetov.

Depýtattyń paıymynsha, ken oryndaryn barlaýǵa qarajat jetkiliksiz kólemde jumsalyp jatyr

«Búgin Májilistegi baıandamada (Energetıka mınıstrliginiń) geologııalyq barlaý jumystaryna 2030 jylǵa deıin 5 mlrd AQSh dollary somasynda ınvestıtsııa salynatyny aıtyldy. Bul turǵyda jylyna 1 mlrd dollarǵa jetpeıtin somada qarajat jumsalmaq. Osy qarajat barlaýǵa jetpeıdi, ıaǵnı bul qarqynmen jospardaǵy jobalar oryndalmaı qalýy múmkin. Saladaǵy barlaý jumystaryna budan kóbirek qarjyny qarastyrý kerek», — dedi mınıstr.

Budan buryn habarlanǵandaı, 2024 jyly shamamen 88,4 mln tonna munaı óndirilse, 68,8 mln tonnasy eksporttalady.

2026 jyldan Qazaqstanda munaı óndirý kólemi 100 mln tonnadan asady.