Munaı qaıta arzandap keledi

BAKÝ. QazAqparat – AQSh ınflıatsııasy boıynsha aldaǵy derekterge jáne Azııa men Amerıka Qurama Shtattaryndaǵy munaı óńdeý zaýyttarynyń qaıta iske qosylýyna baılanysty juma kúni ótken sessııada munaı baǵasy 2%-ǵa óskennen keıin qaıta arzandap jatyr, dep habarlaıdy QazAqparat menshikti tilshisi Reuters-ke silteme jasap.

Brent markaly munaı fıýchersteri juma kúni 2,2%-ǵa óskennen keıin Baký ýaqytymen 10 saǵat ishinde 74 tsentke nemese 0,9%-ǵa (barreli 85,65 dollarǵa deıin) arzandady. Al WTI markaly amerıkalyq munaı barreli 78,99 dollar boldy, ıaǵnı 73 tsentke tómendedi nemese 2,1%-ǵa óskennen keıin 0,9%-ǵa arzandaǵan.

OANDA bırja kompanııasynyń sarapshylary shıki munaı baǵasy tómendep jatqanyn atap ótti, óıtkeni energııa treıderleri oǵan suranys azaıatynyn boljap otyr.
Basylym AQSh Federaldy rezervtik júıesiniń (FRJ) eldegi ınflıatsııany tejeý maqsatynda paıyzdyq mólsherlemelerdi kóterýi ekonomıkalyq belsendilik pen munaıǵa degen suranysty báseńdetýi múmkin ekenin joqqa shyǵarmaıdy.
CMC Markets sarapshylary jeksenbide Djeıhandaǵy túrik termınaly arqyly Ázerbaıjan munaıynyń eksportyn qalpyna keltirý qara altyndy jetkizýge qatysty alańdaýshylyqty azaıtty dep sanaıdy.
Termınal ótken aptada Túrkııa men Sırııada bolǵan joıqyn jer silkinisinen zaqymdaldy. Bul Ázerbaıjan men Iraktan munaı tasymaldaıtyn qubyrlardy saqtaý jáne tıeý orny.
Reseı naýryz aıynda shıki munaı óndirýdi táýligine 500 myń barrelge nemese óndiris kóleminiń shamamen 5%-yn qysqartatynyn aıtqannan keıin juma kúni munaı baǵasy kóterildi.
Ótken aptada Brent 8,1%-ǵa, WTI 8,6%-ǵa qymbattady. Buǵan jeltoqsan aıynda COVID shekteýleri joıylǵannan keıin álemdegi eń iri shıki munaı tutynýshysy Qytaıdaǵy suranystyń qalpyna kelýine degen optımızm yqpal etti.

Foto: REUTERS/Tatiana Meel